![Premium Blogger Themes - Starting From $10](http://3.bp.blogspot.com/-qknhAy-ilo8/VRGYM4tRWDI/AAAAAAAACVQ/J-atWNBDRJQ/s1600/Captureuj.JPG"> "Cathedral Tv")
കോതമംഗലം:മാര്‍തോമാ ചെറിയ പള്ളിയുടെ നേതൃത്വത്തില്‍ മാര്‍ച്ച് 2 മുതല്‍ 6 വരെ നടത്തുന്ന കോതമംഗലം കണ്വെന്ഷന് ഒരുക്കങ്ങളായി. 'ഉണര്‍ന്ന് ജാഗ്രതയോടെയിരിപ്പിന്‍' എന്നതാണ് ഇത്തവണത്തെ ചിന്താവിഷയം. രാവിലെ മുതല്‍ പള്ളിയില്‍ ധ്യാന യോഗവും വൈകീട്ട് കണ്‍വെന്‍ഷനുമാണ് സജ്ജീകരിച്ചിരിക്കുന്നത്. പ്രമുഖര്‍ കണ്വെന്ഷന് പ്രസംഗങ്ങള്‍ നടത്തും.
രണ്ടിന് വൈകീട്ട് 6.15ന് ശ്രേഷ്ഠ കാതോലിക്ക ബസേലിയോസ് തോമസ് പ്രഥമന്‍ ബാവ കണ്വെന്ഷന് ഉദ്ഘാടനം ചെയ്യും. രാവിലെ 7.30ന് മേഖലാ മെത്രാപ്പോലീത്ത കുര്യാക്കോസ് മാര്‍ യൗസേബിയോസ് കുര്‍ബാന അര്‍പ്പിക്കും
കണ്‍വെന്‍ഷനില്‍ ദിവസേന രാവിലെ 9.30നും ഉച്ചയ്ക്ക് 2നും ധ്യാനം, വൈകീട്ട് 5.40ന് ഗാനശുശ്രൂഷ, 6.50ന് വചനശുശ്രൂഷ, രാത്രി 8.40ന് സമാപന പ്രാര്‍ത്ഥന എന്നിങ്ങനെയാണ് പരിപാടി ക്രമീകരിച്ചിരിക്കുന്നത്.
സമാപന ദിവസമായ 6ന് രാത്രി 8.40ന് സമാപന പ്രാര്‍ത്ഥനയ്ക്ക് ശ്രേഷ്ഠ കാതോലിക്ക ബാവ നേതൃത്വം നല്‍കുമെന്ന് വികാരി ഫാ. മോന്‍സി എബ്രാഹം നിരവത്തുകണ്ടത്തില്‍ പറഞ്ഞു. പ്രത്യേക വാഹന സൗകര്യവും ഏര്‍പ്പെടുത്തിയിട്ടുണ്ട്
പത്ര സമ്മേളനത്തില്‍ സഹ വികാരിമാരായ ഫാ. ബിജു അരീയ്ക്കല്‍, ഫാ. ബിജു കൊരട്ടിയില്‍, ഫാ. എല്‍ദോസ് തോമ്പ്ര, ഫാ. സിബി ഇടത്തില്‍, തന്നാണ്ട് കൈക്കാരന്‍മാരായ പി.വി. പൗലോസ്, ജോമോന്‍ പാലക്കാടന്‍ എന്നിവരും പങ്കെടുത്തു
.jpg)
